البرايمر او البيس.. ليش لازم تستعمليه قبل المكياج.

كم مرة اتفرجتى على صور العارضات والمشاهير واستغربتى ليش بشراتهم ناعمة ومتالقة واتمنيتى فى نفسك لو انك تتمتعى بنفس مظهر بشراتهم؟
والسر موجود فى البرايمر :)
الحقيقة انو اتناج واكتشاف البرايمرات سبب ثورة فى طريقة وضع المكياجوالنتايج اللى بيتم الحصول عليها وانا كخبيرة مكياج مستحيل اقدر استغنى عن وجود البرايمر بين عدتى ابدا لانه راح يضمنى نتيجة بيرفكت وفلاولز على اى وجه وراح اكون متاكدة ان اى منتج استعمله على الوحه بعد كدا راح يبان فى احسن صورة ولساعات طويلة .
كيف البرايم بيعمل كدل دا؟...راح تتفاجئى.
لا البرايمر ليه ميزة جدا مفيدة وهى انو بيملا كل الخطوط
 الرقيقة اللى على البشرة وباستعمال البرايمر كطبقة رقيقة بين البشرة وكريم الاساس بيخلى كريم الاساس يتوزع بنعومةز
البرايمر فى العادة بيجى بصيغة جل او كريم خفيف ممكن يكون ملون وممكن لا على حسب الماركة وزى ما قلنا تغطية الخطوط والمسامات بتوفر احسن وضع لكريم الاساس عشان يبان بيرفكت ومتالق .
واغلب البرايمرات اللى تجى على صيغة جل وحتى الكريم بتوفر تحكم فى الزيوت المفرزة من المسامات وبتوفر مكياج ثابت لفترة طويلة من غير ما يتمسح او يتلخبط وكمان مظهر مات اكتر للبشرة وكمان بيمنع ظهور التجاعيد حول الوجه وتحت الايشدو .

بعض انواع البرايمرات النتوفرة فى الاسواق :

MAC  PREP+PRIME
مستحلب خفيف خالى من الزيوت بيخفى المسامات ويتحكم فى الزيت ممكن تحطيه على بشرو رطبة عشان يساعد على تغطية القشور البسيطة على البشرة بيجف بسرعة وبيدى تغطية مطفية مثالية غير مرئية بدوم فترة طوية
وماك على موقعهم بيوصفو النتج دا على انو لوشن سائل خفيف بيحتوى على جزيئات سيليكون خاصة بتغطى المسام وحتى بيخفف احمرار البشرة وممكن يستعمل تحت كريم الاساس او البودرة .

Makeup forever HD prime and color corrector
كريم خفيف خالى من الزيوت ومصصح للون البشرة وبيعزز بنية اليشرة قبل وضع كريم الاساس
ومن مميزاته الاضافية انو بيغذى وبيرطب بعمق وبينعم وبيخلق طبقة على البشرة تديكى مظهر متالق ومضاد للتغضن وبتثبت المكياج لفترة طوية
وبنتحصل على البرايمر دا بعدة الوان
اللون الابيض
الوردى
الاخضر
البنفسجى
والازرق
والاصفر ولون الكراميل
وراح نشرح استخدامات كل دى الالوان فى موضوع تانى :)

اقنعة للشعر من صنع البيت :)

موضوعنا اليوم راح يكون عن اقنعة الشعر وزى ما احنا عارفين ان اقنعة الشعر جدا مفيدة فى تحسين مظهر ونوعية الشعر بس المشكلة ان اغلب اقنعة الشعر المفيدة بتكون جدا غالية ومهى متوفرة عشان كدا ليش ما نجرب نعملها من مكونات البيت وكمان فى الحالة دى راح يكون فى فى فايدة كبيرة وهى ان الاقنعة راح تكون اكيد خالية من اى مكونات كيماوية تقريبا دا اذا سلمنا انو دحين فى شى باقى ما دخل فيه عنصر كيماوى .
وكمان وجود المكونات فى البيت حتديكى فرصة انك تعملى اى قناع فى اى وقت تحتاجيه.
ونجى دحين نستعرض بعض الاقنعة للمشاكل الشائعة للشعر واول قناع راح يكون
قناع الحلبة لكل انواع الشعر :
المكونات _
1-حبوب حلبة ملعقة شاى وحدة
2-عسل ملعقة شاى وحدة
3-زيت خروع ملعقة شاى وحدة
4-زيت زعتر نص ملعقة
5-موية شاى اسود مغلى
انقعى الحلبة طول الليل او اغليها لمدة نص ساعة وزيديلها الموية كل ما نقصت وبهد كدا اهروسيها كويس مع باقى المكونات لحد ما تتكون عجينة تعملى بيها مساج للفروة والشعر وتسيبيها فى الشعر 15 او 20 دقيقة وتغسليها بالشامبو بعدها .
بما انى ما حصلت زيت زعتر عند العطار قمت اخدت زيت زيتون وخلطه مع ورق زعتر وسبتهم كم يوم .

قناع لاطراف الشعر المشققة او المتكسرة:
1-ملعقتين زيت زيتون
2-صفار بيضة
3-ملعقة عسل
كمان تنخلط  وتدفى الخلطة شوية وتحطيها على اطراف الشعر وتغطى شعرك بطاقية حمام مدة نص ساعة وبعدها تنغسل

قناع للشعر الجاف:
1-كوب زبادى كامل الدسم
2-صفار بيضة
3-ملعقة زيت جوجوبا
4-ملعقة شمع عسل
5-ملعقة زيت خروع
فى المايكرويف نسخن الشمع مع زيت الخروع بعد كدا نظيفهم للزبادى وزيت الجوجوبا وصفار البيضة وتخلطهم كويس وينحطو على الشعر 20 دقيقة وبعد كدا ينغسل بالشامبو والبلسم

قناع لاضافة لمعة للشعر
1-بيضتين
2-ملعقتين حليب كامل الدسم
3-ملعقة عسل
نخفق كل المقادير ونحطها على الشعر 10 دقايق ونغسله
وفى طريقة تانية تخلطى ملعقة عسل مع 4 كبايات موية دافية وتشطفى بيهم والشعر وتنشفيه زى ما تحبى

قناع للشعر الضعيف:
1-ملعقة شوفان
2-ملعة حليب كامل الدسم
3-ملعقة زيت خروع
اخلطى كل المكونات وخليها 4 ساعات واغسليها بعدها

قناع لتساقط الشعر :
1-حبة بطاطس
2-الوفيرا جل ماعقتين
3-ملعقة عسل\
4-فايتميت A&Eكبسولة من كل واحد
ناخد عصير البطاطس ونخلطه مع باقى المقادير نفرك الخليط فى على الجزور والفروة لفى شعرك بمنشفة او سوليفان واتركيه 2 ساعة بعدين اغسليه
دا القناع مرتين فى الاسبوع

قتاع مرطب للشعر :
1-نص موزة
2-ربع حبة افوكادو
3-ملعقة زيت جنين القمح
4-نلعقة زبادى
5-ملعقة مايونيز
6-كبسولة فايتمين E
نخلط المقادير ونخليها 15 دقيقية وبعدها تنغسل

قناع للقشرة:
1-نص ملعقة زيت زعتر
2-معلقتين زيت لوز مر
نخلطهم ونعمل مساج للفروة ونسيبهم 20 دقيقية

ودحين نجى لقناع مهم جدا وهو قناع
الشعر المحروق بالمكوة الشعر
1-كريم مرطب للشعر من اى ماركة بس المهم يحتوى على الكيراتين
2-اسيتايل الكحول
ينخلطو مع بعض بمقادير متساوية ونحطهم 10 دقايق
ودا القناع بينفع لاى شعر متضرر وجاف
بالنسبة لاستايل الكحول ممكن تلاقيه اون لاين بسهولة
واذا ما اتوفر يتبدل بالجرسلين السايل .

قناع الجزر للبشرة المتهيجة .

اذا كنتى بتعانى من بشرة متهيجة وجافة وحابة ترجعيلها الرطوبة والوهج الطبيعى ...فا اعتقد انك لازم تجربى قناع الجزر لانو ممكن يكون احسن حل للمشكلة .
قناع الجزر فعل جدا فى استعادة نضارة البشرة ورونقنها وبيساعدك تشدى بشرتك وتنعشيها والنتيجة بتبان من اول استعمال ودا بسبب وجود عنصر الكاروتنين اللى هو مضاد اكسدة وبيدى الجزر لونه البرتقالى  وتمتصه البشرة بسهولة وبمجرد ما يدخل الجسم بيتحول لفيتمين "أ" وكمان بيساعد على حماية البشرة عن طريق عمل طبقة حماية ليها.
طريقة عمل قناع الجزر
1_جزرتين تبشريهم ناعم وتصفى منهم عصيرهم فى زبدية اذا كانت الجزرة ناشفة اتقعى المبشور فى موية وصفيها
2_تاخدى ملعقة كبيرة عسل وصفار بيضة ومعاهم ملعقة كبيرة دقيق تخلطيهم
بعد كدا اضيفى عصير الجزر وحطى القناع على بشرتك مدة 20 دقيقة وبعدها اغسلى وجهك بموية دافية وبعدها موية باردة ونشفيه بالتربيت .
اذا بشرتك مختلطة او دهنية ممكن تغيرى التركيبة عن طريق اضافة بياض البيض بدل الصفار وكمان تضيفى زبادى لانو بيساعد على تنظيم افراز الدهون فى بشرة الوجه .
وكمان فى مكونات تانية بتنسجم مع الجزر زى الطحالب البحرية والشوفان .

ماسكارا بدون تلطيخ !!

كم مرة تعبتى وانتى تحطى الايشدو وترتبيه وكل شى تمام لحد ما فجئة كل شى يخرب بدون قصد وانتى بتحطى الماسكارا ؟
الشى الحلو ان الحمد لله الصينيين كالعادة ما قصرو واخترعولنا اداة تساعد على وضع المسكارا فى الرموش بدون خطر التلطيخ وبهدلة الدنيا
والخبر السعيد ان الاداة دى فى محلات ابو ريالين متوفره وسعرها ريالين بس

,واعتقد طريقة الاستعمال باينة من الصور :)

كم مرة مفروض تغسلى وجهك ؟!!

غسل الوجه ممكن يبان كمهمة سهلة لكن غسل الوجه اكتر او اقل من المفروض ممكن يسبب مشاكل كتيرة زى جفاف البشرة الشديد وظهور الحبوب .
عشان كدا من المهم جدا تعرفى نوعية بشرتك واسلوب العناية المناسب ليها .

البشرة العادية :
المفروض تنغسل مرتين مرة الصباح مع منظف لطيف عشان نشيل الاوساخ والدهون اللى اتجمعت اثناء النوم وبعد تجفيف الوجه (بلطف عن طريق التربيت على الوجه بمناديل او منشفة نظيفة ومهم التربيت مو الفرك ) بعدها تحطى المرطب اليومى  اللى انتى متعودة عليه والمكياج اذا كان لازن تحطى.
وفى الليل تنغسل مرة تانية بغسول لطيف للبشرة وبعدها مقشر مناسب لنوعية البشرة اذا كنتى حطيتى مكياج تقيل ةمزيل مكياج مصمم لازالة المكياج التقيل اذا كنتى حطيتى ماسكارا مضادة للموية.

البشرة الدهنية:
ودى النوعية البشرات تحتاج اهتمام شوية اكتر لان الزيون بتسمح للاتربة واى نوع من الاوساخ انو يلتصق بالبشرة وبسبب الرؤس السوداء وتراكم الزيوت ممكن يسبب او يفاقم مشكلة الحبوب فى الوجه
فلازم تنغسل فى اليوم 3 مرات الصباح والظهر وقبل النوم باستعمال غسول مخصص للبشرة الدهنية وبعده مرطب للبشرة الدهنيى يتحكم فى نسبة الزيوت واذا بتستعملى مكياح تاكدى انو خالى من الزيوت فى الليل استعملى الغسول وبعده التونر وممكن تستعملى التونر خلال اليوم عشان تتحكمى فى نسبة الدهون على الوجه .

البشرة الجافة :
هى كمان بتحتاج اهتمام لان غسلها اكتر من الازم ممكن يسبب زيادة الجفاف والتقشر والاحمرار والشحوب احيانا
والبشرة الجافة تنغسل مرتين الصباح بموية باردة بس وفى الليل بموية باردة وغسول لطيف ومزيل مكياج اذا حطيتى مكياج وبعدها مقشر عشان يشيل الجلد الميت وبعده مرطب للبشرة الجافى .
البشرة الحساسة واللى فيها حبوب :
من المهم انك تعرفى نوعية بشرتك صح وبعدها تشوفى الطريقة المناسبة اتنظيفها من الطرق اللى كتبتها فوق على العموم الحبوب لازم تعالجيها بحسب ما يقولك الدكتور حق الجلدية ومن المهم انك تستعملى منشفة ناعمة لوجهك بعد الغسيل
بس من المهم تنتبهى لنقطة التقشير لانو مو ممكن تستعملى مقشر للبشرة الحساسة اللى فيها حبوب لان دا ممكن يفاقم مشكلة الحبوب والحك ممكن يهيجها
عشان كدا من الافضل تستعملى غشول يحتوى على مقشر لطيف مصمم للبشرة الحساسة اللى فيها حبوب.

اذا كانت مشكلة الحبوب عندك متفاقمة من الافضل تشترى مرهم من النوع اللى ينحط مباشرة على الحبة وتخليه طول الليل او زى الطبيب يقلك .

Hight Definition Makeup او المكياج عالى الوضوح

كيتير دى الايام  نلاحظ فى اغلب التلفزونات واجهزة الرسيفر والقنوات والكاميرات  مكتوب  HD   واللى هى اختصار للكلمتين Hight Definition اللى هو ثورة جديدة فى عالم تكنلوجيا التصور والبث التلفزيونى والافلام
ونتيجة للتطور دا كان لازم  فنانين المكياج يخلو بشرات الممثلين تبان طبيعية اكتر ويتخلصو من طبقات المكياج التقيلة القديمة خصوصا ان التلفزيونات الجديدة بتكبر الصور من مرتين لخمس مرات اكتر من الاجهزة القديمة ودا شى راح يبين العيوب بدرجة كبيرة .
وكان انهم عملو المكياج عالى الوضوح اللى بيحتوى على ذرات عاكسة للضوء من عناصر مختلفة زى السيليكون والميكا والكرستال والكوارتز اللى بتستقر على سطح البشرة وبتعمل ديفيوجن للضوء وتخليه ينعكس فى اتجاهات ختلفة  بتدى مظهر انعم للبشرة وشكل طبيعى اكتر اثناء التصوير وفى الطبيعة كمان .
فى سوال سمعته من كذا وحدة وهو :
هل المكياج عالى الوضوح بيحتاج طريقة استعمال مختلفة عن المكياج العادى ؟
والاجابة هى اكيد لا فى اغلب الاحوال لما تستعملى دى النوعية من المكياج راح تطبقيه بالطريقة المتبعة مع المكياج العادى
سوال تانى وهو ايش هى احسن المنتجات من المكياج عالى الوضوح اللى لازم الواحد يشتريها ؟
من الافضل ان الوحدة تشترى كريم الاساس والكونسيلر من النوعية دى لانهم راح يدوكى بشرة نظيف وخالى من العيوب ودا بيخلى اى منتج تانى تحطيه على وجهك يظهر باحسن شكل ممكن وبما انك ماراح  تحتاجى تحطى طبقات من كريم الاساس فدا راح يبعدك من انك تطلعى بمظهر انك حاطه سطل بويا على وجهك :) وبيكون ممتاز للعرايش ولاى وحدة حابة تاخد صورة .
ايش احسن الشركات اللى عندها منتجات عالية الوضوح ؟
makeup for ever من اشهر الشركات اللى نزلت منتجات عالية الوضوح وممكن تلاقى عندهم تقريبا اى شى

;كمان فى شركة dior نزلت   Capture Totale Foundation boasts a high-definition finish.

وشركة cargoو نزلت مجموعة blue ray

smash box

وفى كمان ماركة اelf واكيد غيرها كتير والغريب ان ماك لسا ما نزلت خط هاى ديفنيشن لحد الان بس منتجاتهم بتادى نفس الغرض تماما :)

كريم الاساس....اختيار كريم الاساس المناسب

كريم الاساس كريم الاساس كريم الاساس
فى مواضيع كتيرة اتكلمت عن كريم الاساس بس للاسف الكتير من البنات لسا بيختارو كريمات اساس غلط تديهم نتايج مخيبة للامال
مثلا: كريم الاساس ينقلب شاحب او رمادى او يتلطخ بعد ساعات او يتمسح ويختفى من الوجه ومشاكل كتيرة مختلفة ناتجة عن الاخيار الخاطئ.والحقيقة ان اختيار كريم الاساس بيحتاج لتجارب كتيرة لحد ما تلاقى اللون المناسب والتركيبة المريحة لكن بمجرد ما تتحصلى عليها راح تحسى براحة كبيرة تستاهل كل التعب اللى صار

عشان كدا حابة اراجع معاكم معلومات عن كريمات الاساس تساعدنا لما نجى نختار الاساس المناسب

اول شى نعرف تركيبات كريمات الاساس :
وهى بتتراوح بين
كريم الاساس السائل
كريم الاساس الكريمى
كريم الاساس الباودر
كريم الاساس المعدنى
وتانى شى نعرف التغطية حقت كريم الاساس :
تغطية خفيفة
تغطية متوسطة
تغطية كاملة
ثالتا التاثير حق كريم الاساس :
مطفى
شبه مطفى
لامع او زيتى
والشى المهم التانى هو نوعيت يشرتك واللى هى كمان تتراوح بين:
البشرة الجافة
البشرة الدهنية
البشرة المختلطة
بعدها نجى انك تسالى نفسك ليش راح استعمل كريم اساس
طبعا بعض البنات ماشاء الله عندهم بشرة خالية من العيوب تماما فما يحتاجة اى كريم اساس ويكتفو بكريمات الترطيب الواقية من الشمس واللى بعضها بيحتوى على شيد لونى بسيط يديهم نضارة فقط لا غير
بس كمان فى بنات بشرتهم فيها عيوب تستوجب التغطية زى عدم توحد لون الشرة والحمات واثار الحبوب والخدوش والجروح وغيره
وعلى اساس العيب اللى فى بشرتك انتى تختارى نوعية التغطية المناسبة لبشرتك
فا اذا كان العيب عدم توحد بسيط فى اللون ساعتها تاخدى تغطية خفيفة لمتوسطة وكمان اذا كان عندك اثار حبوب تختارى على حسب شدت الاثر والاضرار مابين التغطية المتوسطة للكاملة وكمان اذا عندك وحمات ظاهرة فى الوجه
وكمان على اساس المناسبة اللى بتروحيها اذا كانت صباح او ليل لان المناسبات الليلية بتحتاج تغطية متوسطة لكاملة فى كل الاحوال
نرجع تانى لنوعية البشرة والتركيبة المناسبة
طبعا اكيد لو بشرتك جافى لازم تبتعدى عن كريمات الاساس اللى تجى على شكل باودر  او كريمات الاساس المعدنية  واللى تجى تركيبتها مطفية جدا وتختارى الكريمات المرطبة واللى قاعدتها زيتية
زى
 MAC Selected Moisture Blend SPF 15
 وكمان زى
 Chanel Vitalumiere Satin Smoothing Fluid Make up
 ولو بشرتك دهنية لازم تبعدى عن كريمات ىالاساس المرطبة واللى ليها قاعدة دهنية واللى فيها لمعة وتختارى اللى اويل فرى او خالية من الزيوت
وكمان جدا يناسب البشرة الدهنية الاساس الباودر العادى والمعدنى ومن الامثلة المناسبة للبشرة الدهنية
  MAC Studio Fix Fluid
  MAC studio fix powder foundation
اما البشرة المختلطة فتتاج كريم بتركية تجمع بين الترطيب وعدم وجود الزيوت زى
  maybelline dream satin liquid 
 Revlon colour stay foundation

ودى امثلة بسيطة لحد الان وان شاء الله نرجع فى موضوع تانى بتوضيح اكتر لكريمات الاساسl من ناحية اختيار الالوان المناسبة للبشرة  :)